2021, ഒക്‌ടോബർ 25, തിങ്കളാഴ്‌ച
ഒടുവിലെ യാത്രയ്ക്കായിന്ന്
ഒടുവിലെ യാത്രയ്ക്കായിന്ന്
പ്രിയജനമേ ഞാൻ പോകുന്നു
മെഴുതിരിയേന്തും മാലാഖ
മരണരഥത്തിൽ വന്നെത്തി (2)
പരിമിതമാമീ ലോകത്തിൽ
കടമകളെല്ലാം തീരുന്നേ..
പരമ പിതാവിൻ ചാരത്ത്..
പുതിയൊരിടം ഞാൻ തേടുന്നേ..
നെറുകയിലൊടുവിൽ മുത്തുമ്പോൾ
കരയരുതേ നീ പിടയരുതേ
മൃതിതൻ പടികൾ കയറുമ്പോൾ
തുണതരണേ നിൻ പ്രാർഥനയാൽ
സ്മ്രിതികളിലെന്നെ ചേർക്കേണേ
ഒരുപിടി മണ്ണിൽ പൊതിയുമ്പോൾ
ഒടുവിലെ യാത്രയ്ക്കായിന്ന്
പ്രിയജനമേ ഞാൻ പോകുന്നു
മെഴുതിരിയേന്തും മാലാഖ
മരണരഥത്തിൽ വന്നെത്തി
സ്നേഹം തന്നോരെൻ പ്രിയരേ
ദേഹം വെടിയും നേരത്ത്
മിശിഹാ തന്നുടെ നാമത്തിൽ
നന്ദി പറഞ്ഞു മടങ്ങട്ടെ
നന്ദി പറഞ്ഞു മടങ്ങട്ടെ
നന്ദി പറഞ്ഞു മടങ്ങട്ടെ
എഴുതുവാനുള്ള ആര്‍ത്തി അത്യാര്‍ത്തിയായി എന്നില്‍ പരിണമിക്കുമ്പോള്‍ മനസ്സില്‍നിന്നും ഉദ്ഭവിക്കുന്നത് ഞാന്‍ ഇവിടെ എഴുതുന്നു
മേലേ മേലേ മാനം - M
മേലെ മേലെ മാനം
മാനംനീളെ മഞ്ഞിൻ കൂടാരം
അതിലാരോ ആരാരോ
നിറദീപം ചാർത്തുന്നു
(മേലെ...)
വേനൽക്കിനാവിന്റെ ചെപ്പിൽ
വീണുമയങ്ങുമെൻ മുത്തേ
നിന്നെത്തഴുകിത്തലോടാൻ
നിർവൃതിയോടെ പുണരാൻ
ജന്മാന്തരത്തിൻ പുണ്യം പോലെ
ഏതോ ബന്ധം പോലെ
നെഞ്ചിൽ കനക്കുന്നു മോഹം
(മേലെ...)
മാടി വിളിക്കുന്നു ദൂരെ
മായാത്ത സ്നേഹത്തിൻ തീരം
ആരും കൊതിയ്ക്കുന്ന തീരം
ആനന്ദപ്പാൽക്കടലോരം
കാണാതെകാണും സ്വപ്നംകാണാൻ
പോരൂ പോരൂ ചാരെ
മൂവന്തിച്ചേലോലും മുത്തേ
(മേലെ...)
കാണാതെകാണും സ്വപ്നംകാണാൻ
പോരൂ പോരൂ ചാരെ
മൂവന്തിച്ചേലോലും മുത്തേ
(മേലെ...)
എഴുതുവാനുള്ള ആര്‍ത്തി അത്യാര്‍ത്തിയായി എന്നില്‍ പരിണമിക്കുമ്പോള്‍ മനസ്സില്‍നിന്നും ഉദ്ഭവിക്കുന്നത് ഞാന്‍ ഇവിടെ എഴുതുന്നു
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)