തൊഴുതുമടങ്ങും സന്ധ്യയുമേതോ

തൊഴുതുമടങ്ങും സന്ധ്യയുമേതോ

Music: ശ്യാം

Lyricist: ഒ എൻ വി കുറുപ്പ്

Singer: ഉണ്ണി മേനോൻ

Film/album: അക്ഷരങ്ങൾ

Thozhuthu Madangum

ഗാനശാഖ: ചലച്ചിത്രഗാനങ്ങൾ

തൊഴുതുമടങ്ങും സന്ധ്യയുമേതോ
വീഥിയിൽ മറയുന്നു...
ഈറൻ‌മുടിയിൽ നിന്നിറ്റിറ്റു വീഴും
നീർമണി തീർത്ഥമായ് ...
കറുകപ്പൂവിനു തീർത്ഥമായി..
തൊഴുതുമടങ്ങും സന്ധ്യയുമേതോ
വീഥിയിൽ മറയുന്നു...

പഴയകോവിലിൻ‍ സോപാനത്തിൽ
പതിഞ്ഞൊരീണം കേൾക്കുന്നു..
ആ.. ആ‍.. ആ...

പഴയകോവിലിൻ‍ സോപാനത്തിൽ
പതിഞ്ഞൊരീണം കേൾക്കുന്നു..

അതിലൊരു കല്ലോലിനി ഒഴുകുന്നു...
കടമ്പു പൂക്കുന്നു...
അനന്തമായ് കാത്തുനിൽക്കും
ഏതോ മിഴികൾ തുളുമ്പുന്നു..
തൊഴുതുമടങ്ങും സന്ധ്യയുമേതോ
വീഥിയിൽ മറയുന്നു...

ഇവിടെ ദേവകൾ ഭൂമിയെവാഴ്ത്തി
കവിതകൾ മൂളി പോകുന്നു...
ഉം.. ഉം.. ഉം..
ഇവിടെ ദേവകൾ ഭൂമിയെവാഴ്ത്തി
കവിതകൾ മൂളി പോകുന്നു...

അതിലൊരു കന്യാഹൃദയം പോലെ...
താമരപൂക്കുന്നു ...
ദലങ്ങളിൽ... ഏതോ നൊമ്പര

തുഷാരകണികകൾ ഉലയുന്നു....

തൊഴുതുമടങ്ങും സന്ധ്യയുമേതോ
വീഥിയിൽ മറയുന്നു...
ഈറൻ‌മുടിയിൽ നിന്നിറ്റിറ്റു വീഴും
നീർമണി തീർത്ഥമായ് ...
കറുകപ്പൂവിനു തീർത്ഥമായി..