ആദിയുഷസ്സിൻ ചുവന്ന മണ്ണിൽ നിന്നായുഗ സംഗമങ്ങൾ ഇവിടെയുയർത്തിയ വിശ്വാസഗോപുരങ്ങൾ ഇടിഞ്ഞു വീഴുന്നു - കാറ്റിൽ ഇടിഞ്ഞു വീഴുന്നു ഈ വഴിത്താരയിൽ ആലംബമില്ലാതെ ഈശ്വരൻ നിൽക്കുന്നു ധർമ്മനീതികൾ താടി വളർത്തി തപസ്സിരിക്കുന്നൂ തപസ്സിരിക്കുന്നു പ്രവാചകന്മാരേ പറയൂ പ്രഭാതമകലെയാണോ പ്രപഞ്ചശില്പികളേ പറയൂ പ്രകാശമകലെയാണോ
ഭാവിചരിത്രം തിരുത്തിയെഴുതും ഭാരത യുദ്ധഭൂവിൽ ഇടയൻ തെളിച്ചൊരു ചൈതന്യ ചക്രരഥം ഉടഞ്ഞു വീഴുന്നു മണ്ണിൽ തകർന്നു വീഴുന്നു ഈ കുരുക്ഷേത്രത്തിലായുധമില്ലാതെ അർജ്ജുനൻ നിൽക്കുന്നു തത്ത്വശാസ്ത്രങ്ങൾ ഏതോ ചിതയിൽ കത്തിയെരിയുന്നു കത്തിയെരിയുന്നു പ്രവാചകന്മാരേ പറയൂ പ്രഭാതമകലെയാണോ പ്രപഞ്ചശില്പികളേ പറയൂ പ്രകാശമകലെയാണോ
എഴുതുവാനുള്ള ആര്‍ത്തി അത്യാര്‍ത്തിയായി എന്നില്‍ പരിണമിക്കുമ്പോള്‍ മനസ്സില്‍നിന്നും ഉദ്ഭവിക്കുന്നത് ഞാന്‍ ഇവിടെ എഴുതുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ