| ചിത്രം | ഇഷ്ടം (2001) |
| ചലച്ചിത്ര സംവിധാനം | സിബി മലയില്‍ |
| ഗാനരചന | കൈതപ്രം |
| സംഗീതം | മോഹന്‍ സിതാര |
| ആലാപനം | സുനില്‍ വിശ്വചൈതന്യ |
ഓ..ഓ...ഓ....
കളിപറയും നിനവുകളില്‍
കഥയെഴുതും കനവുകളില്‍ (2)
നല്‍ കളമൊഴിയേ.. പൈങ്കിളി മകളേ
ഏഴഴകൊഴുകും എൻ പുഴയാണോ
പൂവനമുലയും പുഴക്കരയാണോ
കളിപറയും നിനവുകളില്‍
കഥയെഴുതും കനവുകളില്‍
കന്നിമഴയില്‍ കൊന്നപ്പൂമെയ്യില്‍
മിന്നണിഞ്ഞ വെയിലാണോ (2)
മേല്‍മിഴിയെഴുതും മുകിലാണോ
വാര്‍മുടിതടവും കാറ്റാണോ
കൈവളയാണോ കാല്‍ത്തളയാണോ
ഇന്നേതോ താളം തേടി
വന്നല്ലോ തന്നാനംപാടി
നീ നിന്നല്ലോ സിന്ദൂരംചൂടി
കളി പറയും നിനവുകളില്‍
കഥയെഴുതും കനവുകളില്‍
കന്നം തുടുക്കും ചന്ദനത്തിങ്കള്‍
പൊന്നണിഞ്ഞ മനമാണോ (2)
പൂഞ്ചൊടി പകരും മൊഴിയാണോ
നിന്‍ മിഴി കിനിയും മധുവാണോ
എന്‍ ഉയിരല്ലേ പൊന്‍മകനേ നീ
ഇന്നേതോ മോഹം തേടി
വന്നല്ലോ പീലിപ്പൂവും ചൂടി
ഞാൻ നിന്നല്ലോ രാരീരംപാടി
(കളി പറയും....)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ