കള്ളി പൂങ്കുയിലേ കന്നി തേന്മൊഴിയെ

കള്ളി പൂങ്കുയിലേ കന്നി തേന്മൊഴിയെ
കാതിൽ മെല്ലെ ചൊല്ലുമോ

കള്ളി പൂങ്കുയിലേ കന്നി തേന്മൊഴിയെ
കാതിൽ മെല്ലെ ചൊല്ലുമോ
കാവതി കാക്കതൻ കൂട്ടിൽ
മുട്ടയിട്ടന്നൊരു നാൾ
കാനനം നീളെ നീ പാറിപ്പറന്നൊരു
കള്ളം പറഞ്ഞതെന്തേ
കള്ളി പൂങ്കുയിലേ കന്നി തേന്മൊഴിയെ
കാതിൽ മെല്ലെ ചൊല്ലുമോ

മിന്നാര പൊൻകൂട്ടിൽ മിന്നുമാ പൊന്മുട്ട
കാകന്റെ എന്നു ചൊല്ലി
നിന്നെപ്പോലെ കാറ്റുമതേറ്റു ചൊല്ലി
നേരു പറഞ്ഞിട്ടും നെഞ്ഞു തുറന്നിട്ടും
കൂട്ടരും കൈവെടിഞ്ഞു
പിന്നെ പാവം കൂട്ടിൽ തളർന്നിരുന്നു
ആരാരോ ദൂരത്താരാരോ
ആലിൻ കൊമ്പത്തൊരോല കൂട്ടിൽ
നിന്നാലോലം പുഞ്ചിരിച്ചു
കള്ളി പൂങ്കുയിലേ കന്നി തേന്മൊഴിയെ
കാതിൽ മെല്ലെ ചൊല്ലുമോ

ഊരാകെ തെണ്ടുന്നൊരമ്പല പ്രാവുകൾ
നാടാകെ പാടിയപ്പോൾ
കള്ളക്കഥ കാട്ടുതീയായ് പടർന്നു
കാകനെ സ്നേഹിച്ച കാവൽ പെൺപ്പൈങ്കിളി
കഥയറിയാതെ നിന്നു
പിന്നെ പിന്നെ കാതരയായ് കരഞ്ഞു
ആലോലം നീലപ്പൂങ്കാവിൽ നീയിന്നെൻ പുള്ളി
തൂവൽ പിച്ചി ചിഞ്ചില്ലം പുഞ്ചിരിച്ചു
കള്ളി പൂങ്കുയിലേ കന്നി തേന്മൊഴിയെ
കാതിൽ മെല്ലെ ചൊല്ലുമോ
കാവതി കാക്കതൻ കൂട്ടിൽ
മുട്ടയിട്ടന്നൊരു നാൾ
കാനനം നീളെ നീ പാറിപ്പറന്നൊരു
കള്ളം പറഞ്ഞതെന്തേ
കള്ളി പൂങ്കുയിലേ കന്നി തേന്മൊഴിയെ
കാതിൽ മെല്ലെ ചൊല്ലുമോ